Category Archives: short story

രമേശന്റെ പെണ്ണ്

സമ്പന്നതയുടെ ദാരിദ്ര്യം അത് ആരോടും പങ്കുവെക്കാനില്ല എന്നതായിരിക്കണം
സന്തോഷത്തിന്റെയും അല്ലെ
ഒരു പക്ഷെ സ്നേഹത്തിന്റെയും

അടി പൊളി

രമേശൻ ഒന്ന് ഉറക്കെ ചിരിച്ചു. കവിത എന്റെ ജീവാത്മാവാണ്, ജീവിതവും.

ചേട്ടാ, എന്ന രണ്ടു തേങ്ങയും കൂടെ പൊളിച്ചോ, കവി പിന്നിൽ നിന്ന് ഒച്ച വച്ചു.

ആഹാ, തേങ്ങാ, അത് തന്നെ.

ചക്കയിലും ഇടാം മാങ്ങാ കറിയും വെക്കാം. തേങ്ങാ തന്നെ നല്ലതു. ഒരു മൂത്തതൊന്നു ഇവളുടെ തലയിൽ വീണെങ്കില്, ഒരു കലക്ക് കലക്കമായിരുന്നു.

അല്ല, കഴിഞ്ഞില്ലേ

ദാ, വരുന്നു പെണ്ണെ

#Pauperisms of love, life and living

എനിക്ക് പോണം

കൊച്ചു വെളുപ്പാൻ കാലത്തു എങ്ങോട്ടാ?
ഞാൻ കുളിക്കട്ടെ.
എന്തിനാ ഇത്ര നേരത്തെ?
ഇന്ന് ഞാറാഴ്ചയല്ലേ
അതിനു.

വെള്ളം വീഴുന്ന ശബ്‍ദം.എന്തെങ്കിലും ആവശ്യമുണ്ടോ?ഉണ്ടെങ്കിൽ പറയാം, പിറുപിറുപ്പ്.

അര മണിക്കൂറിനു ശേഷം
കൊള്ളാല്ലോ, നല്ല ഷർട്ട് ആണല്ലോ
ഭംഗിയുണ്ട് ട്ടോ
പുറത്തേക്കു പോകണ്ടേ അതാ
ആര് പോണ്?
ഞാൻ?
അതെയോ?
എന്തിനാ?
ഞാറാഴ്ച അല്ലെ?
അതോണ്ട്?
അവൻ വരും
അപ്പൊ ഞാൻ വേഗം തയ്യാറായതാ. വൈകണ്ട ന്നു വിചാരിച്ചു. അതിപ്പോ?എന്താ പ്രശ്നം?
എനിക്ക് പോണം . അവൻ വരും. ഇന്ന് ഞാൻ പോകും പുറത്തു. ഒന്ന് കറങ്ങീട്ടു വരണം. എത്ര ദിവസായി എങ്ങനെ? അത്രയ്ക്ക് അസുഖം ഒന്നും എനിക്കില്ല. ആ ഡോക്ടർ ഒരു പൊട്ടനാ.
സന്ധ്യക്ക്‌, അല്ല മാറില്ലേ നിങ്ങള് ഡ്രസ്സ്?
ഇല്ല, അവൻ വരും.

മോട്ടോർ ബൈക്കിന്റെ ശബ്ദം.
ഗേറ്റ് തുറന്നു. അവൻ വന്നു. അവളും.
അച്ഛൻ എന്താ റെഡി ആയി നിൽക്കുന്നെ
പോകാൻ , പുറത്തേക്കു പോകാൻ.
അതെയോ
ഏട്ടാ? അച്ഛൻ?
വേറെ പണി ഒന്നും ഇല്ല വയസ്സന്. കൊച്ചു കുട്ടി ആന്നോ? പറഞ്ഞ മനസ്സിലാക്കണം.
ഇത്ര ദൂരം യാത്ര ചെയ്തു വന്നതാ ഞാൻ. എനിക്കൊന്നും വയ്യ ആരെയും കൊണ്ട് പോകാൻ നീ പോയി പറ.
ഹും
അല്ല അച്ഛൻ കിടന്നോ?
ഹും
രാത്രി എന്നും ഒരു കറക്കം കറങ്ങിയില്ലെങ്കിൽ അവൻ ഉറങ്ങാറില്ല… ഹും .. എനിക്ക് വയ്യാഞ്ഞിട്ടല്ലേ.
വരൂ നമ്മുക്ക് പുറത്തു നടക്കാം. ഞാൻ കയ്യ് പിടിക്കാം.
വേണ്ട മോളെ. വേണ്ട.
രാവിലെ തൊട്ടുള്ള കാത്തിരിപ്പാണ് മോളെ . പാവം വിഷമിച്ചു കാണും .
എനിക്കാരുടെയും വിഷമം കേൾക്കണ്ട. ഞാനും കഷ്ടപെട്ടിട്ടാണ് ജീവിക്കുന്നത്. ഇന്നത്തെ കമ്പനി ജോലി ഒക്കെ എത്ര ബുദ്ധിമുട്ടാണെന്ന് ആര്ക്കെങ്കിലും അറിയോ? മാസാമാസം ചെലവ് ഞാൻ നടത്തുന്നില്ല.
ഓരോ അശ്രീകരങ്ങൾ.

എനിക്ക് പോണം എനിക്ക് പോണം ന്നു പറഞ്ഞോണ്ടിരിക്കും. അതാ പോയി.
അങ്ങനെ അതും കഴിഞ്ഞു.

കാത്തിരിപ്പിന്റെ ക്ഷീണം

സൗഹ്രദം
അറിയാതെ തുടങ്ങിയതായിരുന്നു
വേണ്ടെന്നു വിചാരിച്ചിട്ടും

നർമ്മം എന്നും ഒരു മോഹമായതോണ്ടായിരിക്കും
അങ്ങനെ സംഭവിച്ചത്

സഖി അതിഥി സൽക്കാരത്തിന് തുനിഞ്ഞത്
ഒരു സപ്ന സാക്ഷാത്ക്കാരത്തിനു വേണ്ടി ആയിരുന്നു

ഒരു തുടക്കം എങ്ങോട്ടോ ഉള്ള ഒരു തുടക്കം
അല്ലെങ്കിൽ നിശബ്ദതയുടെ കോട്ടക്ക് ഒരു അനക്കം

സത്യത്തിൽ ജീവിതത്തിൽ സ്വയം സന്തോഷിക്കാൻ
പഠിച്ച,

സ്വയം ജയിക്കാൻ പഠിച്ച,

സ്വയം പ്രോത്സാഹിപ്പിക്കാൻ പഠിച്ച
സഖിക്ക്,

അങ്ങനെയും ആഗ്രഹമുണ്ടാകുമെന്നു ഞാൻ വിചാരിച്ചില്ല

എന്നാലും രണ്ടു നല്ല വർത്തമാനം ആഗ്രഹിക്കാത്തവരുണ്ടോ
ഇത്തിരി തമാശയും കളിയും വേണ്ട എന്ന ആരാണ് വിചാരിക്കുന്നത്

ആമി പറഞ്ഞു, നീ ഇന്നും കുട്ടി തന്നെ എങ്ങനെ സാധിക്കുന്നു നിനക്ക്

വാങ്ങി വച്ച വീഞ്ഞ് കുപ്പി എടുത്തവൾ തുറന്നു
രാത്രി ഇത്തിരി വീഞ്ഞാവാം എന്താ
ആവാലോ. ഉത്തരവും അവൾ തന്നെ പറഞ്ഞു

എങ്കിലും ഒരു മാറ്റത്തിനുള്ള വകയുണ്ടല്ലോ?


ആണോ, ഞാൻ ചോദിച്ചു


പിന്നെ ഒന്നിലെങ്കിൽ മോസസ് അല്ലെങ്കിൽ ജീസസ്

എന്ത്?
ഒന്നുമില്ല
സഖി പറഞ്ഞു
അല്ലെങ്കിലും പകുതി തിന്നും, അവൾ എന്ത് പറയുമ്പോഴും

ചിരി കൊള്ളാം
എന്നും കാണണം എനിക്കീ ഇളി
ഹും

എന്നും ഒരേ പോലെ അല്ലല്ലോ ജീവിതം
എല്ലാം മാറും
എന്റെ ജീവിതവും, തത്വജ്ഞാനി മൊഴിഞ്ഞു

സിഗരറ്റ് കുറ്റി വലിച്ചു ഞാൻ പുറത്തേക്കിറങ്ങി
പെണ്ണിനെ ആർക്കും മനസിലാക്കാം!

Ramya-man of the match

R

രമ്യ കുട്ടികാലം തൊട്ടു തന്നെ കായികാഭ്യാസി ആയിരുന്നു. വലിയേട്ടൻ ക്രിക്കറ്റ് കളിക്കുന്നത് കണ്ടിട്ടാണ് അവൾ വളർന്നത്. അത് കൊണ്ട് തന്നെ അത്യാവശ്യം ബാറ്റിങ്ങും ബൗളിങ്ങും അവൾക്കും അറിയാം . വലിയേട്ടൻ അവളെ ക്യാപ്റ്റൻ എന്നാണ് വിളിക്കാറ്. വാശി കേറിയാൽ അവൾ നല്ല സിക്സിർ ഒക്കെ വലിച്ചു കീറുമായിരുന്നു. എന്നാലും ‘അമ്മ ഇപ്പോഴും നല്ല ചീത്ത പറയും പിന്നെ ചേച്ചിയും . ഡെയ്ച്ചിക്കു അവളുടെ കളി തീരെ പിടിക്കാറില്ല. എന്താ അമ്മക്കെങ്കിലും പറഞ്ഞൂടെ എന്ന് ചോദിച്ചു ബഹളമാണ്. ആൾക്ക് ഒരു വകക്ക് ശക്തിയില്ല ധൈര്യവും.വലിയേട്ടൻ ഡെയ്ച്ചിയോടു പറയും നീ ആ ക്യാപ്റ്റൻ നെ കണ്ടു പടിക്കു ന്നു . മതി പിന്നെ അര മണിക്കൂർ നീളും ഡെയ്ച്ചിയുടെ പിറുപിറുക്കൽ.
ചെറിയേട്ടൻ പിന്നെ ഒന്നിനും നില്കിലില്ല . പുള്ളി ഡിപ്ലോമാറ്റിക് ആയിട്ടു ഒഴിയും. മൂപ്പർക്ക് പിന്നെ എവിടെ സമയം . നാട്ടിലെ പെൺമ്പിള്ളേരുടെ കണക്കെടുപ്പും പരസഹായവും, ഉപേദേശവും അങ്ങനെ എത്ര പണി. കാര്യം നടക്കുന്ന വരെ നാരായണ, കാലം കഴിഞ്ഞാൽ കൊറയണ, അതാ മൂപ്പരുടെ സ്റ്റൈൽ.
എന്നാലും ആളു പോപ്പുലർ അന്ന്. എത്ര ഫോൺ, എത്ര കത്ത്, എന്തൊക്കെ കഥ. എന്നാലും വലിയേട്ടൻ ഇത്ര പാവമായതു എങ്ങനെ, അവൾ ആലോചിക്കാറുണ്ട്.
പോട്ടെ, അത് വേറെ കാര്യം. പിന്നെ കഥ രമ്യ യുടെ ആവട്ടെ . ബാക്കി എല്ലാം എക്സ്ട്രാ ആണ്. ഇത് എന്റെ കഥ..ഹ എന്ത് രസം അങ്ങനെ പറയാൻ.
അതെ കളിയ്ക്കാൻ മിടുക്കി ആയ രമ്യ യെ ഏട്ടൻ, വലിയേട്ടൻ,

അടുത്തുള്ള ക്ലബ്ബിൽ ചേർത്തു. കോച്ച് സേവ്യർ അങ്കിൾ നല്ല മനുഷ്യനാണ്. ആൺ കുട്ടികള് മാത്രമാണ് അവിടെ ചേരാറുള്ളത്. വലിയേട്ടൻ വൈകുന്നേരം ഒരു മണിക്കൂർ അവൾക്കു വേണ്ടി മാറ്റി വച്ച്. എന്ന് വന്നു നിൽക്കും. ക്യാപ്റ്റൻ നിന്നെ ആരെങ്കിലും ഉപദ്രവിച്ചത് എന്ത് പറയും നീ, ഏട്ടൻ ചോദിക്കും. എന്റെ വലിയേട്ടൻ നിന്നെ ശരിയാക്കും ന്നു പറയും. അതെ , ഗുഡ് . ഇനി നിനക്കു കുറച്ചു ഫിറ്റ്നസ് ഇമ്പ്രൂവ് ചെയ്യണം . അങ്ങനെ രാവിലെ വലിയട്ടെന്ടെ കൂടെ ഓട്ടവും , വൈകുനേരം ക്രിക്കറ്റ് പ്രാക്റ്റീസും.
എന്തിനാടാ നീ ഇവളെ ഇങ്ങനെ സ്വപ്നം കാണിക്കുന്നത്? ‘അമ്മ വലിയേട്ടനോട് ചോദിച്ചു. നിനക്കറിയാലോ, ഈ ലോകം എങ്ങനെ ആന്നെന്നു?

വലിയേട്ടൻ പറഞ്ഞു, അമ്മെ, നമ്മടെ ക്യാപ്റ്റൻ ടാലെന്റ്റ് ഉണ്ട്, പിന്നെ ഞാനും, അവൾ അധ്വാനിയും ആണ്. ഒന്ന് ശ്രമിച്ചാൽ അവൾ സ്റ്റേറ്റ് ക്രിക്കറ്റ് ടീം മെമ്പർ ആകും . ഇല്ലെങ്കിൽ അറ്റ്ലീസ്റ്റ് ഒരു സ്പോർട്സ് കോട്ട ജോലി എങ്കിലും ഒപ്പിക്കും. പിന്നെ, പെണ്ണായതോണ്ട് അവളുടെ ടാലെന്റ്റ് ന്നു വില ഇല്ല എന്ന് ഞാൻ വിചാരിക്കാനോ.

എനിക്ക് സാധിക്കാത്തതു, നമ്മടെ ക്യാപ്റ്റൻ ചെയ്യട്ടെ, അത്രേ എനിക്ക് ആഗ്രഹമുള്ളു.
അറ്റ്ലീസ്റ്റ് ഞങ്ങലോന്നു ശ്രമിച്ചു നോക്കട്ടെ അമ്മെ.
ബാക്കി പിന്നെ കാണണം.

സ്ഥലത്തെ ചില പ്രമാണിമാർ അമ്മയോട് വലിയേട്ടനെ കുറിച്ച് കംപ്ലൈന്റ് ചെയ്തു. അത് അവന്ടെ ഇസ്‌തം, പിന്നെ ഞങ്ങളുടെ മോൾക്ക് നല്ല ടാലെന്റ്റ് ഉണ്ട് വെറുതെ കളയണോ, നിങ്ങളും ചെയ്യൂ, പെൺ മക്കൾ നന്നാവട്ടെ, അല്ലാണ്ട്.
അമ്മയുടെ വർത്തമാനം കേട്ട ഞാൻ അത്ഭുദപ്പെട്ടു. പൂർവാധികം ശ്രദ്ദയോടെ പ്രാക്ടീസ് തുടർന്ന്. പിന്നെ പഠിത്തവും. അല്ലെങ്കിലും ഞാൻ അങ്ങനെയാണ്. ഫസ്റ്റ് അന്നെഗിൽ എല്ലാത്തിലും ഫസ്റ്റ് , ഇല്ലേ ഒന്നിനും ഇല്ല. വലിയേട്ടൻ പറയും , പെണ്ണ് ഒന്നില്ലെഗിൽ ആശാന്റെ നെഞ്ചത്ത് അല്ലെങ്കിൽ കളരിക്ക് പുറത്തു ന്നു. പറഞ്ഞു ശരിയാണ്.
പണ്ടേ അങ്ങനെ അന്ന് ഞാൻ.
എന്തായാലും കളിച്ചു മോളെ ഞാൻ. സ്റ്റേറ്റ് ലെവൽ ക്രിക്കറ്റ് ടീം മെമ്പറും ആയ്യി, ആയിടക്കാണ്, നാഷണൽ ടീം സെക്ഷൻസ് തുടങ്ങിയത്, ഫുൾ കോൺഫിഡൻസ് ആയതു കൊണ്ട് കേറി അപേക്ഷിച്ചു അവിടെയുഎം എത്തി പെട്ട്. മോളെ , ജീവിതം ഒരു ഫീൽ അന്ന്. ജീവിച്ചാലേ അറിയൂ.
എങ്കിലും മിതാലി രാജ് നെ നേരിൽ കണ്ടപ്പോൾ കാലിൽ വീഴാനോ കെട്ടി പിടിക്കാനൊ എന്ന് തോന്നി, പക്ഷെ ഓടിയത് വാഷ് റൂം ഇലേക്കാണ്
വാട്ട് എ റിലീഫ് , ഗോഡ്, ഇത് സത്യമാണോ, തന്നെ തന്നെ ഞാൻ ഒന്ന് നുള്ളി നോക്കി.
-ലീല്ല്ലി ഒന്ന് മുള്ളി- മനസ്സിൽ എവിടെ നിന്നോ വന്നു അശ്ലീലം കുട്ടികാലത്തെ ഒരു ഓര്മ, പെട്ടന്ന്, ടെർത്തു ഞാൻ ഓടി, വിക്കി വിക്കി, മിത്തലി ദി യോട് ഒരു ഓട്ടോഗ്രാഫ് ചോദിച്ചു, ദി ചിരിച്ചു എന്നിട്ടു ചോദിച്ചു ഹൌ ഏറെ യു ഫീലിംഗ്, ഇൻ ഹെവൻ ഞാൻ പറഞ്ഞു.

മനസ്സ് വലിയേട്ടൻ ഉണ്ടായിരുന്നെഗിൽ എന്നാഗ്രഹിച്ചു.

കുഞ്ഞി പൂവ്

കുഞ്ഞി പൂവ്- short story

കുഞ്ഞി പൂവ്

ഉദ്യാന പാലകൻ തന്ടെ നീണ്ട ഇരുമ്പു കത്രിക പല വട്ടം ചലിപ്പിച്ചു. അരോചകമായ ആ ശബ്ദം കുഞ്ഞി പൂവിനെ ഭയപ്പെടുത്തി. അയാളുടെ നടന്നടുക്കുന്ന കാലൊച്ച അവളെ വിയർപ്പിലാഴ്ത്തി.

വരുന്നുണ്ട് ദുഷ്ടൻ, കുഞ്ഞി പൂവ് നെടുവീർപ്പിട്ടു.

കൂട്ടത്തിൽ ഉയരം കൂടിയ അവൾ സൂര്യനെ പ്രേമിച്ചു തുടങ്ങിയിരുന്നു. തന്ടെ നീണ്ട കഴുത്തു നീട്ടി അവൾ അവനെ നിർനിമിഷം നോക്കി കൊണ്ടിരിന്നു.

ഇടക്കെങ്കിലും ചുറ്റിനുമുള്ളവർ അവളെ കളിയാക്കാതിരുന്നില്ല . ഒരു മുടിഞ്ഞ പ്രേമം, പെണ്ണിന് പിരാന്താ. അല്ലെങ്കിൽ പിന്നെ അയാൾ നിന്നെ അങ്ങ് ദൂരെ നിന്ന് നോക്കിയിരിക്കുകയല്ലേ. വേറെ പണി ഒന്നും ഇല്ലല്ലോ മൂപ്പർക്ക്. എത്ര പൂക്കൾ, എത്ര കാടുകൾ, മഴ, മേഘം, ഭൂമി, എത്ര പ്രണയിനിമാർ , പിന്നെ എന്തൊക്കെ തിരക്കണയാൾക്കു , സ്വന്തം അവസ്ഥക്ക് നിരക്കണം പ്രേമം.

അവർ പുച്ഛിച്ചു, അല്ലാണ്ട്, വട്ടു അല്ലാതെന്താ.
കുഞ്ഞി പൂവ് ഒന്നിന്നും ചെവി കൊടുക്കാറില്ല.

വളരെ കാലത്തേ പ്രാർത്ഥനയും പ്രയത്നവും കൊണ്ട് ഉണ്ടായതാ താൻ . അത്ര മോശവമാവാൻ തരമില്ല അല്ലെ. അവൾ സമാധാനിച്ചു. പിന്നെ പ്രേമം അതൊരു തപസ്യയല്ലേ. ഇതുങ്ങൾക്കു എന്തറിയാണ്. പോട്ടെ അത്രേ വിവരമുള്ളു.

അല്ലെങ്കിലും നൈമിഷികമല്ലേ ഈ ജീവിതം. കരഞ്ഞു കൊണ്ടിരിക്കാനാണെങ്കിൽ പൂവായി ജനിച്ചിട്ടെന്തു കാര്യം അല്ലെ?

കാലൻ അടുത്തെത്തുന്നു എന്നാലും മോഹം വണ്ടായി പറക്കുന്നു ചുറ്റും, തന്ടെ നീണ്ട കഴുത്തിനെ തലോടിയ വണ്ടിനോടവൾ മുറുമുറുത്തു.


ആറ്റിട്യൂട് വേണം ആറ്റിട്യൂട് അല്ലാണ്ട് ഹ ഹ
കുഞ്ഞി പൂവ് തന്ടെ അഹങ്കാരത്തിനെ ഓർത്തു തല താഴ്ത്തി.

സൂര്യനോടായി അവൾ മൊഴിഞ്ഞു എല്ലാം നീയല്ലേ, ഞാൻ ആര്. നീയില്ലാതെ ഞാനെന്തു?

ഉദ്യാനപാലകൻ നടന്നടുത്തു. കളസം പിടിച്ചു വലിച്ചു നേരെയാക്കി ചിന്ത മഗ്നനായി നില കൊണ്ടു.

പൂക്കൾ ഒന്നടങ്കം വിയർത്തു കുളിച്ചു. ഇനി അസ്തമനം മാത്രം.

എല്ലാറ്റിനെയും വെട്ടിയും നുറുക്കിയും ശരിയാക്കാൻ എന്താണ് മനുഷ്യന് മാത്രം ഇത്ര ആക്രാന്തം, അവർ അമ്പരന്നു.

എന്തിനീ ദുർവാശി മനുഷ്യ, ജീവിച്ചോട്ടെ ഞങ്ങളും

ആര് കേൾക്കാൻ ?

ചലിക്കുന്ന കത്രിക പല രക്ത സാക്ഷികളെയും സൃഷ്ടിച്ചു. ചിതറി കിടക്കുന്ന ഒരു കുന്നു പൂ തലകൾ.

അശ്രദ്ദയോടെ ഉദ്യാനപാലകൻ കാൽ കൊണ്ട് അവയെ എടുത്തു മാറ്റി, മുന്നോട്ടു നടന്നു, പെട്ടെന്നുയർന്ന പൊടി പടലം അയാളെ അലട്ടി. കത്രിക മടക്കി അയാൾ നിവര്ന്നു നിന്നു.

ദൂരെ നിന്ന് സൂര്യൻ ഒന്ന് പുഞ്ചിരിച്ചു. ഉദ്യാനപാലകൻ തിരിഞ്ഞു നടന്നു. കുളിർ കാറ്റ് ഒരു നോവും ഒരു സ്വാന്തനവും ആയി വീണ്ടും വീശി.

rakthasakhshikkal